پاکستان تحریک انصاف کے رہنما فواد چوہدری نے کہا ہے کہ مریم نواز کے اس بیان میں وزن ہے کہ انتخابات کے لیے کے پی اور پنجاب اسمبلی توڑ دیں۔
پی ٹی آئی رہنما اور سابق وفاقی وزیر نے ن لیگ کی نائب صدر مریم نواز کے حوالے سماجی رابطوں کی ویب سائٹ ٹوئٹر پر ٹوئٹ کیا ہے۔
فواد چوپدری نے اپنے ٹوئٹ میں کہا ہے کہ مریم نواز کے بیان میں وزن ہے کہ انتخابات کیلئے پنجاب اور کے پی اسمبلی توڑ دیں، یہی وہ فریم ورک ہے جس پر عمران خان نے حکومت کو مذاکرات کیلیے کہا۔
پی ٹی آئی رہنما نے کہا کہ اگر آپ اس بات میں سنجیدہ ہیں تو شہباز شریف کی وطن واپسی پر انتخابی فریم ورک پر بات چیت کا آغاز کریں، انتخابات اہم ترین ایجنڈا ہے۔
مریم نواز کے بیان میں وزن ہے کہ انتخابات کیلئے پنجاب اور پختونخواہ اسمبلی توڑ دیں لیکن یہی وہ فریم ورک ہے جس پر عمران خان نے حکومت کو مذاکرات کیلئے کہا ہے اگر آپ سنجیدہ ہیں تو شہباز شریف کی وطن واپسی پر انتخابات کے فریم ورک پر بات چیت کا آغاز کریں، انتخابات اہم ترین ایجنڈا ہے pic.twitter.com/Ba4Mdu0agZ
— Ch Fawad Hussain (@fawadchaudhry) September 16, 2022
واضح رہے کہ مسلم لیگ ن کی نائب صدر مریم نواز نے گزشتہ روز وفاقی دارالحکومت میں میڈیا سے گفتگو کرتے ہوئے کہا تھا کہ عمران خان نئے الیکشن کی تاریخ چاہتے ہیں تو کے پی اور پنجاب کی اسمبلیاں توڑ دیں۔
یہ بھی پڑھیں: عمران خان کے دباؤ پر کوئی فیصلے نہیں ہونے چاہئیں، مریم نواز
مریم نواز نے اپنی اس گفتگو میں سابق وزیراعظم کو کڑی تنقید کا نشانہ بناتے ہوئے کہا تھا کہ ایک شخص فتنہ، انتشار اور فارن فنڈڈ ہے جس کو پاکستان کی نئی نسل کو تباہ کرنے کیلئے ڈالر دے کر لانچ کیا گیا اور وہ ملکی معیشت کی تباہی کے لیے لینڈ مائنز بچھا کر چلا گیا، اس کے دباؤ میں کوئی فیصلے نہیں ہونے چاہئیں۔
