پاکستان کرکٹ بورڈ نے فاسٹ بولر شاہین شاہ آفریدی اور فخرزمان سے متعلق اپ ڈیٹ دی ہے۔
پی سی بی کے مطابق عمر رشید بدھ کو لاہور سے لندن کے لیے روانہ ہوں گے وہ لندن میں فاسٹ باؤلر شاہین شاہ آفریدی کے جاری ری ہیب میں باؤلنگ میں ان کی مدد کریں گے۔
شاہین شاہ آفریدی اور فخر زمان دونوں کا لندن میں ری ہیب جاری ہے۔ عمر رشید، شاہین شاہ آفریدی اور فخر زمان 15 اکتوبر کو برسبین میں قومی اسکواڈ کو جوائن کریں گے۔
شاہین آفریدی انجری سے صحت یاب ہوگئے ہیں۔ سماجی رابطے کی ویب سائٹ ٹوئٹر پر قومی فاسٹ بولر شاہین شاہ آفریدی نے ویڈیو شیئر کی جس میں انہیں ردھم کے ساتھ بولنگ کرتے دیکھا جاسکتا ہے۔
Your success belongs to Allah,not your mindset. pic.twitter.com/RP8l7RTMcZ
— Shaheen Shah Afridi (@iShaheenAfridi) September 24, 2022
واضح رہے کہ فاسٹ بولر دائیں گھٹنے کی تکلیف کی وجہ سے انگلینڈ کے خلاف سیریز میں قومی ٹیم میں موجود نہیں ہیں۔ شاہین آفریدی جولائی میں سری لنکا کے خلاف پہلے ٹیسٹ میں گھٹنے کی انجری کا شکار ہوئے تھے۔
انجری کے باعث وہ نیدر لینڈزکے خلاف ون ڈے سیریر، ایشیا کپ اور انگلینڈ کی خلاف ہوم سیریز نہیں کھیل سکے۔
