ماسکو: روس کے لیے غیر معمولی اہمیت کے حامل کریمیا پُل پر دھماکے سے تباہی مچ گئی، دھماکے اور پل کے ایک حصے کے جلنے کی کئی ویڈیوز سوشل میڈیا پر وائرل ہو گئی ہیں۔
تفصیلات کے مطابق روس اور کریمیا کو ملانے والے واحد اہم ترین پل (Kerch bridge) پر ہفتے کی صبح ایندھن سے بھری مال گاڑی میں اچانک دھماکا ہو گیا، جس کی وجہ سے پل پر تباہی پھیل گئی، اور پل کا ایک حصہ ٹوٹ کر پانی میں گر گیا۔
روس اور یوکرین کو ملانے والے اس طویل پل پر ٹرین بھی چلتی ہے، یوکرین کے ساتھ جنگ کی وجہ سے یہ پل روس کے لیے جنگی سامان کی ترسیل کے لیے بھی غیر معمولی اہمیت کا حامل ہے۔
The Kerch Bridge connecting Crimea to Russia has been hit by a huge explosion pic.twitter.com/7hvr5NtrOT
— PressTV Extra (@PresstvExtra) October 8, 2022
یہ پل یوکرین میں برسر پیکار روسی فوجیوں کو فوجی اور دوسرا سامان مہیا کرنے کا اہم ذریعہ ہے، جب کہ فوجی دستے بھی یہیں سے گزرتے ہیں، پل کی حفاظت کے لیے روس نے یوکرین کو دھمکی دی تھی کہ اگر اس پر حملہ کیا گیا تو جوابی کارروائی کی جائے گی۔
WATCH: The Crimean Bridge, which connects Russia and Crimea, is on fire and has partially collapsed pic.twitter.com/EGaGF0Eb25
— BNO News (@BNONews) October 8, 2022
خیال رہے کہ کریمیا کو 2014 میں روس میں شامل کیا گیا تھا، اس سے قبل وہ یوکرین کا حصہ تھا، جب کہ مذکورہ پُل روسی صدر ولادیمیر کے حکم پر بنایا گیا تھا اور 2018 میں صدر پیوٹن نے اس کا افتتاح کیا تھا۔
JUST IN 🚨 The aftermath of Crimea bridge explosion pic.twitter.com/bDB0UdrNHz
— Insider Paper (@TheInsiderPaper) October 8, 2022
روسی خبر رساں اداروں کے مطابق کریملن نے کہا ہے کہ روس نے دھماکے کی تحقیقات کے لیے ایک کمیشن قائم کرنے کا حکم دے دیا ہے، تحقیقاتی کمیٹی نے دھماکے کی مجرمانہ تحقیقات کے لیے جائے وقوعہ پر جاسوسوں کو بھیج دیا ہے۔
الجزیرہ کے مطابق کریمیا پل کی تباہی سے یوکرین کے دارالحکومت کیف میں جشن کی کیفیت دیکھی گئی ہے۔ یوکرین کے ایک صدارتی مشیر نے ٹوئٹر پر کہا کہ اس پل کو تباہ کر دیا جانا چاہیے، انھوں نے اس واقعے کو ’آغاز‘ قرار دیا، تاہم انھوں نے دھماکے کے سلسلے میں براہ راست یوکرین کی ذمہ داری قبول نہیں کی۔
