بھارت کے مقبول ٹیلی ویژن ڈرامے ’یہ رشتہ کیا کہلاتا ہے‘ کی اداکارہ ویشالی ٹھاکر نے آج خودکشی کرلی۔
میڈیا رپورٹس کے مطابق 26 سالہ ویشالی ٹھاکر ریاست مدھیہ پردیش کے شہر اندور میں اپنے والد اور بھائی کے ساتھ رہتی تھیں۔ اتوار کے صبح وہ گھر میں مردہ پائی گئیں۔
پولیس نے لاش قبضے میں لے کر پوسٹ مارٹم کے لیے اسپتال منتقل کر دی۔ اداکارہ نے خودکشی کرنے سے قبل خط لکھا جو پولیس نے برآمد کرلیا۔
- Advertisement -
خط میں ویشالی ٹھاکر نے لکھا کہ سابقہ بوائے فرینڈ کافی عرصے سے ہراساں کر رہا تھا جس کی وجہ سے ذہنی تناؤ کا شکار رہی۔
والد اور بھائی کا کہنا ہے کہ ہمیں اس بارے میں کچھ بھی معلوم نہیں تھا، اندازہ نہیں تھا کہ ویشالی انتہائی قدم اٹھائے گی۔
پولیس نے مزید تحقیقات شروع کر دی۔
