ریاض: سعودی بادشاہ شاہ سلمان بن عبدالعزیز نے کہا ہے کہ سعودی عرب تیل کی عالمی منڈی کے استحکام کے لیے کوششیں کر رہا ہے۔
عرب میڈیا کے مطابق سعودی فرماں روا شاہ سلمان بن عبدالعزیز نے مجلسِ شوریٰ میں کہا کہ تیل کی عالمی مارکیٹ میں استحکام لانے کے لیے مملکت کی کوششیں جاری ہیں۔
انھوں نے عالمی سیاست پر بھی خصوصی گفتگو کی، کہا کہ ہم چاہتے ہیں روس یوکرین جنگ جلد از جلد ختم ہو جائے، یوکرین جنگ کے خاتمے کے لیے سیاسی حل نکالا جانا چاہیے۔
شاہ سلمان کا کہنا تھا کہ دنیا بھر میں تنازعات کو ختم کرنے کے لیے مذاکرات اور مکالمہ بہترین حل ہے۔
’بائیڈن سعودی عرب کو جواب دینے میں وقت لیں گے‘
انھوں نے کہا ایران ہمسایہ ممالک کے ساتھ اعتماد کا رشتہ قائم کرے، ایران سے عالمی توانائی ایجنسی کے ساتھ تعاون کی اپیل کرتے ہیں، عالمی برادری مشرقِ وسطیٰ میں مہلک ہتھیاروں کے پھیلاؤ کو روکنے کے لیے کوششیں تیز کرے۔
شاہ سلمان بن عبدالعزیز نے کہا سعودی عرب افغانستان کو انسانی امداد فراہم کرتا رہے گا، ہم چاہتے ہیں کہ افغانستان میں امن قائم ہو، افغانستان کو دہشت گردوں کی پناہ گاہ نہیں بننا چاہیے۔