نیٹ فلیکس نے پاس ورڈ شیئر کرنے والے صارفین کو بری خبر سنا دی ہے۔
ویڈیو اسٹریمنگ کمپنی نیٹ فلکس نے پاس ورڈ شیئر کر کے دوستوں یا رشتے داروں کو اس سروس کا مفت استعمال کرانے والے افراد کے خلاف پوری دنیا میں کریک ڈاؤن کی تیاری کر لی ہے۔
کمپنی نے اعلان کیا ہے کہ 2023 کے شروع میں ایسے افراد سے اضافی ماہانہ فیس لی جائے گی، جو اپنی لاگ ان تفصیلات دیگر افراد کے ساتھ شیئر کرتے ہیں۔
مقبول ویڈیو اسٹریمنگ کمپنی نے اس سے قبل اگست میں لاطینی امریکا کے 5 ممالک میں ایک ٹیسٹ کا آغاز کیا تھا، جس کے تحت دوسروں سے پاس ورڈ شیئر کرنے والوں سے کہا گیا تھا کہ وہ ہر اضافی گھر پر فیس ادا کریں۔
کمپنی کے مطابق اگر کسی صارف کا اکاؤنٹ اس کی رہائش گاہ سے باہر مختلف مقامات پر 2 ہفتوں سے زیادہ استعمال ہوگا تو کمپنی کی جانب سے اضافی فیس ادا کرنے کا مطالبہ کیا جائے گا۔
واضح رہے کہ نیٹ فلکس کی جانب سے اکاؤنٹ پاس ورڈ شیئر کرنے والے صارفین کے حوالے سے مختلف اقدامات کی آزمائش کافی عرصے سے کی جا رہی ہے۔
نیٹ فلیکس کے مطابق جو صارفین اس سے بچنا چاہتے ہیں ان کے لیے کمپنی نے حال ہی میں اکاؤنٹ مائیگریشن ٹول کو متعارف کرایا ہے، دنیا بھر میں 10 کروڑ سے زیادہ گھرانے ان اکاؤنٹس کو استعمال کرتے ہیں جن کی ادائیگی دیگر افراد کرتے ہیں۔
اگر کوئی ایسا فرد آپ کا نیٹ فلکس اکاؤنٹ استعمال کرتا ہے جو آپ کے گھر میں مقیم نہیں، تو اضافی فیس ادا کرنا پڑے گی۔
