راولپنڈی: آرمی چیف جنرل قمر جاوید باجوہ کا کہنا ہے کہ قومی مفادات کے تحفظ کے لیے ہم آہنگی اور مشترکہ عمل ناگزیر ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے این ڈی یو کا دورہ کیا جہاں انہوں نے 24ویں نیشنل سکیورٹی ورک شاپ کے شرکا سے خطاب کیا۔ آرمی چیف نے قومی سلامتی کو درپیش چیلنجز اور جوابی حکمت عملی پر تبادلہ خیال کیا۔
اس موقع پر آرمی چیف جنرل قمر جاوید باجوہ کا کہنا تھا کہ قومی مفادات کے تحفظ کے لیے ہم آہنگی اور مشترکہ عمل ناگزیر ہے، پاکستان نے کئی چیلنجز کا سامنا کیا ہے، پاکستان ہر بار چیلنجز کا سامنا کر کے مضبوطی سے ابھرا ہے۔
آرمی چیف نے کہا کہ دہشت گردی کے خلاف جنگ تازہ واضح مثال ہے، پوری قوم کے تعاون سے دہشت گردی کے خلاف جنگ میں کامیابی ملی۔
Comments
- Advertisement -
