گنیز بُک آف ورلڈ ریکارڈ کی انتظامیہ نے ایک ایسے شخص کو ریکارڈ ہولڈر قرار دیا ہے جو حیرت انگیز طور پر اپنی آنکھوں کی پتلیوں کو باہر نکال لیتا ہے۔
برازیل کا ’سڈنی دی کارویلو میسکیوٹا‘ نامی شہری جب اپنی آنکھوں کی گول گول پتلیوں کو باہر نکالتا ہے تو دیکھنے والے خوف اور حیرت کا شکار ہوجاتے ہیں۔
اسی کارنامے کی بدولت گنیز بُک آف ورلڈ ریکارڈ میں برازیلین شخص نے عالمی ریکارڈ قائم کرنے کا اعزاز حاصل کرلیا۔
گنیز ورلڈ ریکارڈز کے مطابق سڈنی دی کارویلو میسکیوٹا کی آنکھیں 18.2 ملی میٹر تک پھیل کر اپنے ساکٹ سے باہر آجاتی ہیں۔
غیر ملکی خبر رساں ادارے کی رپورٹ کے مطابق سڈنی دی کارویلو میسکیوٹا کو ٹائیو چیکو کے نام سے بھی جانا جاتا ہے، انہوں نے یہ ریکارڈ رواں برس 10 جنوری کو بنایا تھا۔
ٹائیو چیکو کو 9 برس کی عمر میں پہلی بار اندازہ ہوا کہ وہ انوکھی صلاحیتوں کا مالک ہے۔ انہیں یہ اندازہ آئینے کے سامنے مختلف اور احمقانہ چہرے بناتے ہوئے ہوا اور تب سے وہ اپنی غیر معمولی صلاحیتوں کا مظاہرہ کر رہے ہیں۔
New record: Farthest eyeball pop – 18.2 mm (0.71 in) by Sidney de Carvalho Mesquita (Brazil) 🇧🇷
Sidney’s incredible skill has made it into #GWR2023 👀https://t.co/0mrLjeYJYo
— Guinness World Records (@GWR) October 19, 2022
ٹائیو چیکو کا کہنا ہے کہ ان کی یہ صلاحیتیں قدرتی ہیں، اس کے لیے کوئی خاص تربیت حاصل نہیں کی۔
انہوں نے یہ بھی بتایا کہ جب وہ اپنی آنکھوں کی پتلی کو پھیلاتے ہیں تو سب کچھ دھندلا نظر آتا ہے لیکن کچھ ہی دیر میں سب دکھائی دینا شروع ہوجاتا ہے۔
