شمالی وزیرستان :ڈرون طیارے کی پروازیں بدستور جاری ہیں، شمالی وزیرستان میں شوال کے علاقے منگورتی میں ڈرون حملہ کیا گیا۔ حملے میں کم از کم چار افراد ہلاک اور آٹھ زخمی ہوگئے،افغانستان سے آپریٹ ہونے والے امریکی ڈرون طیارے نے طالبان کمانڈر کے گھر پر حملہ کیا۔
ذرائع کے مطابق جس گھر کو نشانہ بنایا گیا ہے وہ مقامی کمانڈر حبیب اللہ کا گھر ہے۔ ذرائع کے مطابق جاسوس طیارے نے طالبان کے کمانڈر کے گھر پر دومیزائل فائر کیے۔
حملے میں ہلاک ہونے والے افراد کے حوالے سے فوری طور پر تصدیق نہ ہو سکی ۔ ڈرون طیاروں نے کافی دیر تک علاقے میں پروازیں کیں جس سے مقامی افراد میں خوف و ہراس پھیل گیا۔
- Advertisement -
گزشتہ روز بھی شمالی وزیرستان کی تحصیل شوال کے علاقے کند گھڑ میں امریکی ڈرون حملے میں 5 افراد ہلاک ہو گئے تھے۔
