انٹرنیشنل کرکٹ کونسل (آئی سی سی) ٹی 20 ورلڈ کپ کے پلیئر آف دی ٹورنامنٹ کے امیدواروں کی فہرست جاری کردی۔
آئی سی سی کی جانب سے جاری کردہ میگا ایونٹ کے بہترین کھلاڑیوں کی فہرست میں پاکستان کے نوجوان فاسٹ بولر شاہین شاہ آفریدی اور نائب کپتان شاداب خان بھی شامل ہیں۔
پاک انگلینڈ فائنل سے قبل آئی سی سی نے 9 کھلاڑیوں کو شارٹ لسٹ کیا گیا ہے۔ فہرست میں انگلینڈ کے تین، بھارت کے دو، سری لنکا اور زمبابوے کا ایک، ایک کھلاڑی شامل ہے۔
اس سے قبل آئی سی سی مینز ٹی ٹوئنٹی ورلڈ کپ کے فائنل کے لیے میچ آفیشلز کی تقرریوں کا اعلان کیا گیا۔
امپائرز ماریس ایراسمس اور کمار دھرم سینا 13 نومبر کو میلبورن کرکٹ گراؤنڈ میں پاکستان اور انگلینڈ کے درمیان کھیلے جانے والے فائنل میں فیلڈ امپائرز کے فرائض سنبھالیں گے۔
کرس گیفانی ٹی وی امپائر ہوں گے جبکہ پال ریفل فورتھ امپائر ہیں۔ میچ ریفری رنجن مدوگالے فائنل کی نگرانی کریں گے۔
