ٹوکیو: ترقی یافتہ ممالک میں مہنگائی کا بحران بڑھنے لگا، جاپان میں افراطِ زر کی شرح چالیس سال کی بلند ترین سطح پر پہنچ گئی۔
غیر ملکی میڈیا رپورٹ کے مطابق جاپان میں افراط زر کی شرح میں مسلسل اضافہ دیکھا گیا۔ جاپان میں مہنگائی میں سالانہ تین اعشاریہ چھ فیصد اضافہ ریکارڈ کیا گیا، اشیاء کی قیمتوں میں ہونے والے اس ہوش ربا اضافے کا تعلق یورپ میں توانائی کی بڑھتی ہوئی قیمتوں سے ہے۔
میڈیا رپورٹ کے مطابق جاپان میں خوارک اور توانائی کی قیمتوں میں سب سے زیادہ اضافہ ہوا، جاپانی کرنسی کی قدر میں کمی کی وجہ سے درآمدی اشیا کی لاگت میں اضافہ ہو گیا۔
دوسری جانب یونان میں مہنگائی نے شہریوں کے ہوش اڑا دیئے مہنگائی سے تنگ آئے شہریوں کا دارلحکومت ایتھنز میں مارچ کیا، ہاتھوں میں ہاتھ ڈالے مہنگائی کے خلاف سڑکوں پر نعرے لگاتے رہے۔
مظاہروں کی قیادت طلبا یونینز نے کی، طلبا نے انیس سے تہتر کی فوجی آمریت کے خلاف پرچم تھام کر احتجاج کیا۔
