اسلام آباد: ارشد شریف قتل کیس کے لئے بنائی گئی انکوائری کمیٹی نے بڑا فیصلہ کیا ہے۔
اے آر وائی نیوز کے مطابق انکوائری کمیٹی نے تینوں صوبوں اورآئی جی اسلام آباد کو خط لکھا ہے جس میں شہید اینکر ارشد شریف پر پاکستان میں درج نو ایف آئی آرز کے مدعیان کو طلب کیا ہے۔
انکوائری کمیٹی کی متعلقہ آئی جیز کو ہدایت کی ہے کہ ایف آئی آرزکے مدعیان کی حاضری یقینی بنائی جائے۔
واضح رہے کہ شہید اینکر ارشد شریف کےخلاف سندھ میں5،اسلام آباد میں 1اور بلوچستان میں 3ایف آئی آرزدرج ہیں درج ایف آئی آرز میں غداری اور بغاوت جیسے سنگین الزامات شامل ہیں۔
یہ بھی پڑھیں: شہید ارشد شریف کی پوسٹمارٹم رپورٹ اہلخانہ کے حوالے کردی گئی
یاد رہے کہ گذشتہ ماہ کی 24 تاریخ کو سینیئر صحافی اور اے آر وائی نیوز کے سابق اینکر ارشد شریف کو کینیا کے شہر نیروبی کے قریب گولی لگنے سے شہید کردیا گیا تھا۔
ارشد شریف تحقیقاتی صحافت میں جاندارتجزیوں اور بےلاگ تبصروں کے باعث جانے جاتے تھے، انھوں نے ہمیشہ نڈر اور بے باک صحافی ہونے کا ثبوت دیا۔
