کراچی: پاکستان اور نیوزی لینڈ کے درمیان جاری دوسرے ٹیسٹ کے دوسرے روز کا کھیل ختم ہوگیا ہے، پاکستان کو مہمان ٹیم کی برتری ختم کرنے کے لئے مزید 295 رنز درکار ہیں۔
تفصیلات کے مطابق پاکستان نے دوسرے روز کھیل کے اختتام پر 3 وکٹوں کے نقصان پر 154 رنز بنالئے، امام الحق 74 اور سعود شکیل 13 رنز کے ساتھ کریز پر موجود ہیں۔
شان مسعود اور عبداللہ شفیق ایک بار پھر بڑی اننگز کھیلنے میں ناکام رہے، دونوں نے باالترتیب 20 اور 17 رنز بنائے، کپتان بابراعظم محض 24 رنز بناکر رن آؤٹ ہوئے۔
Pakistan finish Day Two with @ImamUlHaq12 and @saudshak at the crease.#PAKvNZ | #TayyariKiwiHai pic.twitter.com/eQquwzhVnT
— Pakistan Cricket (@TheRealPCB) January 3, 2023
اس سے قبل نیوزی لینڈ کی ٹیم پہلی اننگ میں 449 رنز بنا کر آؤٹ ہوئی، ایک مرحلے پر کیوی ٹیم کے 9 کھلاڑی 345 کے مجموعے پر آؤٹ ہوچکے تھے تاہم آخری وکٹ کی شراکت میں میٹ ہنری اور اعجاز پٹیل نے 104 رنز جوڑے اور پاکستانی بولرز کے صبر کا خوب امتحان لیا۔
.@ImamUlHaq12 gets to his fifty with a maximum 💥
7️⃣th Test half-century ✅#PAKvNZ | #TayyariKiwiHai pic.twitter.com/bHDXu4zDQV
— Pakistan Cricket (@TheRealPCB) January 3, 2023
نیوزی لینڈ کی جانب سے ڈیون کانوے نے شاندار سنچری اسکور کرتے ہوئے 122 رنز کی اننگ کھیلی، ٹام لیتھم 71، میٹ ہنری 68 ناٹ آؤٹ اور ٹام بلنڈن 51 رنز کے ساتھ نمایاں رہے۔
یہ بھی پڑھیں: نیوزی لینڈ پہلی اننگ میں 449 رنز بنا کر آؤٹ
پاکستان کی جانب سے ابرار احمد نے چار وکٹیں حاصل کیں جب کہ نسیم شاہ، آغا سلمان نے تین تین کھلاڑیوں کو آؤٹ کیا۔
