کراچی : ڈکیتی مزاحمت پر خاتون کے قتل کی تحقیقات کے لئے پولیس افسران پر مشتمل کمیٹی تشکیل دے دی گئی، کمیٹی نے عینی شاہدین کے بیانات اور دیگر تفصیلات اکٹھی کرلیں۔
تفصیلات کے مطابق کراچی کے علاقے گلستان جوہر میں دوران ڈکیتی مزاحمت پر خاتون کے قتل کے واقعے کی تحقیقات کے لئے پولیس افسران پر مشتمل کمیٹی تشکیل دے دی گئی۔
کمیٹی میں شارع فیصل ، گلستان جوہر اور عزیز بھٹی تھانے کے ایس ایچ اوز شامل ہیں ، کمیٹی نے جائے واردات اور ملزمان کے فرار ہونیوالے راستوں کا دورہ کیا۔
عینی شاہدین کے بیانات اور دیگر تفصیلات اکٹھی کی گئی ، ملزمان واردات کے بعد جوہر چورنگی سےسماما شاپنگ مال کی جانب فرارہوئے ، فرار ہونے والے ملزمان ممکنہ طور پر یونیورسٹی روڈ کی جانب گئے۔
پولیس کا کہنا تھا کہ ملزمان نےخاتون سے چھینا موبائل گلشن اقبال بلاک 7 میں بند کیا تایم ملزمان کی شناخت اور گرفتاری کے لئےکوششیں جاری ہے۔
