پیغام رسانی کے لیے استعمال ہونے والی دنیا کی سب سے مقبول ایپلی کیشن واٹس ایپ نے صارفین کے لیے تصاویر اور ویڈیوز چیٹ بھیجنے میں مزید آسانی فراہم کردی ہے۔
واٹس ایپ صافین پہلے 30 سے زائد میڈیا نہیں بھیج سکتے تھے تاہم اب تبدیلی کے بعد واٹس ایپ کا استعمال مزید آسان بنادیا گیا ہے۔
آئی او ایس صارفین کے لیے اب میڈیا (تصاویر، ویڈیو) چیٹ میں بھیجنے کی حد 100 کردی گئی ہے یعنی اب صارف زیادہ سے زیادہ چیٹ میں سو تصاویر یا ویڈیوز بھیج سکتے ہیں۔
واٹس ایپ کی ہر سرگرمی پر نظر رکھنے والی ویب سائٹ واٹس ایپ بیٹا انفو کی جانب سے اسکرین شاٹ بھی شیئر کیا گیا ہے جس میں واضح طور پر لکھا ہے کہ زیادہ سے زیادہ سو آئٹمز بھیجے جاسکتے ہیں۔
ویب بیٹا انفو کی رپورٹ کے مطابق فی الحال یہ تبدیلی کچھ بیٹا ٹیسٹرز کے لیے کی گئی ہے تاہم یہ فیچر آئندہ چند دنوں میں تمام صارفین کے لیے دستیاب ہوگا۔
