جس طرح ایک مکمل غذا ہونے کے ناطے انسانی جسم کے لیے دودھ کے بے تحاشا فوائد ہیں، اسی طرح تلسی کے پتے بھی زبردست افادیت رکھتے ہیں۔
ماہرین غذائیت کا کہنا ہے کہ اگر دودھ میں تلسی کے پتوں کو ابال کر پیا جائے تو اس کے فوائد میں اضافہ ہو جاتا ہے اور اس طرح بہت سی بیماریوں سے نجات مل سکتی ہے۔
کیا آپ جانتے ہیں کہ تلسی کو دودھ میں ملا کر پینے سے مائیگرین جیسی تکلیف دہ بیماری سے بھی نجات مل سکتی ہے؟
مائیگرین سے نجات کے لیے تلسی کا استعمال کیسے کریں؟
موجودہ دور میں مائیگرین یعنی شقیقہ کے مریضوں کی تعداد دن بدن اضافہ ہو رہا ہے، جس کی وجہ سے لوگ اکثر سردرد سے پریشان رہتے ہیں، اگر تلسی اور دودھ کا باقاعدگی سے استعمال کیا جائے تو اس مسئلے کو جڑ سے ختم کیا جا سکتا ہے۔
درد شقیقہ سے نجات کے لیے تلسی کے پتوں کو دودھ میں ابال کر روزانہ پئیں، آہستہ آہستہ نصف سر کا درد جاتا رہے گا۔
دمہ
تلسی کے پتوں کو دودھ میں ابال کر پینے کے دیگر فائدے بھی ہیں، یہ دمہ کی بیماری کو بھی دور کرتا ہے، اگر آپ دمہ یا سانس کی تکلیف کے شکار ہیں تو اس سے بچنے کے لیے تلسی کے پتوں کو دودھ میں ابال کر پئیں، ایسا کرنے سے دمہ کے مریض کو کافی آرام ملتا ہے۔
ڈپریشن
تلسی اور دودھ ڈپریشن کے مریضوں کے لیے بھی فائدہ مند ہے، تلسی کے دودھ کے استعمال سے ڈپریشن کم ہوتا ہے اور ذہنی تناؤ دور ہو جاتا ہے۔
پتھری کا درد
گردے کی پتھری کی صورت میں اگر تلسی کے پتوں کو دودھ میں ابال کر پیا جائے تو اس سے پتھری اور گردے کے درد کا مسئلہ بھی دور ہو جاتا ہے۔
واضح رہے کہ تلسی میں دافع سوزش اور اینٹی بیکٹیریل خواص موجود ہیں، اور اس جڑی بوٹی میں موجود تیل سانس، پیشاب، پیٹ اور جلد کے انفیکشن والے لوگوں میں بیکٹیریا سے لڑنے میں مدد کر سکتا ہے۔
