شوبز انڈسٹری کی معروف جوڑی منیب بٹ اور ایمن خان کے گھر میں گیس سلنڈر کا دھماکا ہوا ہے جس سے ان کے گھر کو جزوی طور پر نقصان پہنچا۔
اداکار منیب بٹ اور ایمن خان کے گھر گیس سلنڈر کا دھماکا اتنا زور دار تھا کہ گھر کو جزوی طور پر نقصان پہنچا تاہم خوش قسمتی سے کسی قسم کا جانی نقصان نہیں ہوا ہے۔
تصاویر دیکھ کر اندازہ لگایا جاسکتا ہے کہ دھماکے کی نوعیت کتنی شدید تھی۔
یوٹیوب پر ایک ویڈیو گردش کررہی ہے جس میں تباہ شدہ مکان کی جھلک دکھائی دے رہی ہے ویڈیو میں دیکھا جاسکتا ہے کہ گھر میں مرمتی کام شروع ہوچکا ہے۔
ایمن اور منیب کے مداحوں کی جانب سے ان کی خیریت دریافت کی جارہی ہے اور ان کے لیے نیک خواہشات کا اظہار کیا جارہا ہے تاہم اداکاروں کی جانب سے اس حوالے سے کوئی بیان نہیں آیا ہے۔
واضح رہے کہ منیب بٹ اور ایمن خان 21 نومبر 2018 کو رشتہ ازدواج میں منسلک ہوئے ان کی ایک بیٹی امل منیب ہیں۔