بھارتی فوج کے لیفٹیننٹ کرنل امریندر سنگھ والیا کو خاتون کے مبینہ قتل کے الزام میں گرفتار کر کے تفتیش شروع کر دی گئی۔
میڈیا رپورٹس کے مطابق پولیس کا بتانا ہے کہ لیفٹیننٹ کرنل امریندر سنگھ والیا بھارتی فوج کی فور کور میں تعلقات عامہ کا افسر ہے۔
پولیس کے مطابق خاتون چودہ فروری کو گوہاٹی میں لیفٹیننٹ کرنل امریندر سے ملاقات کیلیے آئی اور پندرہ فروری خاتون کی پلاسٹک میں لپٹی لاش برآمد ہوئی۔
- Advertisement -
تحقیقات میں معلوم ہوا کہ فوجی نے خاتون کو اغوا کر کے قتل کیا اور لاش ہائی وے پر پھینک دی۔ لاش کو طبی معائنے کیلیے اسپتال منتقل کر دیا گیا۔
ایک پولیس افسر نے بتایا کہ ہم نے امریندر سنگھ والیا کو گرفتار کر کے پوچھ گچھ شروع کر دی، ابھی ہماری تفتیش ابتدائی مرحلے میں ہے اور زیادہ کچھ نہیں بتا سکتے۔
