نگراں وزیراعلیٰ پنجاب محسن نقوی نے عمران خان کے لاہور سے اسلام آباد روانہ ہوتے ہی سیکیورٹی ہٹانے کی وجہ بتادی۔
نگراں وزیر اعلیٰ پنجاب محسن نقوی نے میڈیا سے گفتگو کرتے ہوئے بتایا کہ عمران خان اس وقت زمان پارک میں نہیں اسلئے سیکیورٹی ہٹالی ہے، جب وہ واپس آئینگے تو سیکیورٹی دینے کے معاملے پر نظرثانی کرینگے۔
نگراں وزیر اعلی کا الیکشن کے حوالے سے کہنا تھا کہ جیسے ہی آرڈر آئے گا الیکشن کرائیں گے، الیکشن سے نہیں بھاگ رہے، ہم الیکشن کیلئے تیار ہیں۔
عمران خان کے جاتے ہی پولیس نے زمان پارک سے بیریئرز ہٹانا شروع کر دیے
محسن نقوی کا کہنا تھا کہ پی سی بی سے معاہدہ ہوگیا ہے، پی سی بی لائٹس خرید لے گا تو کرائے پر نہیں لینا پڑےگی۔
نگراں وزیراعلیٰ پنجاب کا جیل بھرو تحریک کے حوالے سے کہنا تھا کہ مجھے جیلوں میں موجود کارکنوں کی تعداد نہیں پتہ، محکمہ داخلہ صحیح تعداد بتا سکتا ہے، جن جیلوں میں جگہ تھی وہاں انہیں منتقل کیا گیا ہے۔
