کراچی : عالمی منڈی میں سونے کی قیمت میں کمی کے باوجود پاکستان میں اضافہ کردیا گیا تاہم چاندی کے دام فی الحال مستحکم ہیں۔
تفصیلات کے مطابق ملک میں سونے کی قیمت میں300روپے کا اضافہ کیا گیا ہے جس کے بعد فی تولہ سونا1لاکھ94ہزار400روپے پر آگیا۔
آل پاکستان جیولرز مینو فیکچررز ایسوسی ایشن کے مطابق 10گرام سونے کی قیمت257روپے اضافے سے1لاکھ66ہزار666روپے ہوگئی ہے۔
- Advertisement -
واضح رہے کہ بین الاقوامی مارکیٹ میں سونے کے دام میں کمی دیکھی گئی ہے جب کہ پاکستان میں دام بڑھ گئے ہیں۔ عالمی مارکیٹ میں2 ڈالرکی کمی سےفی اونس سونا1810ڈالرکی سطح پرآگیا
دوسری جانب چاندی کے دام 2080 روپے فی تولہ پر مستحکم ہیں۔
