لاہور : سابق وزیراعلیٰ پنجاب چوہدری پرویزالٰہی کا کہنا ہے کہ وہ وقت دور نہیں جب عمران خان وزیراعظم ہوں گے۔
تفصیلات کے مطابق سابق وزیراعلیٰ پنجاب چوہدری پرویزالٰہی نے میاں محمودالرشیداور وکلا سے گفتگو کرتے ہوئے کہا کہ عمران خان نے الیکشن مہم کا آغاز کر دیا ہے اور وہ وقت دور نہیں جب عمران خان وزیراعظم ہوں گے۔
چوہدری پرویزالٰہی کا کہنا تھا کہ شہبازشریف ٹولے نے معیشت کا بیڑا غرق کردیا، یہ عوام کے غضب سے نہیں بچ سکتے۔
سابق وزیراعلیٰ پنجاب نے کہا کہ مریم نواز عدلیہ اور اداروں پر تنقید کر کے کیا حاصل کرنا چاہتی ہیں؟ نوازشریف اور عمران خان برابر نہیں ہو سکتے۔
ان کا کہنا تھا کہ پنجاب میں الیکشن کی تاریخ آ چکی کارکن تیاری شروع کردیں، موجودہ مسائل کا واحد حل انتخابات ہی ہیں۔
پرویزالٰہی نے مزید کہا کہ حکمرانوں کو اپنے کیے کا حساب عوام کودینا ہو گا، نگران حکومت اپنے اختیارات سے تجاوز کر رہی ہے، بڑے شوباز کی طرح چھوٹے شو باز بننے کی کوشش نہ کریں۔
حکومتی وزرا کے دوروں کے حوالے سے ان کا کہنا تھا کہ مشکل معاشی حالات میں ملک ڈوبا ہوا ہے اور پی ڈی ایم ٹولہ کے غیرملکی دورے ختم نہیں ہو رہے۔
