پشاور : کاؤنٹر ٹررزم ڈپارٹمنٹ (سی ٹی ڈی) نے آپریشن کے دوران کالعدم تنظیم کے دو دہشت گرد ہلاک اور تین دہشت گرد فرار ہونے میں کامیاب ہوگئے۔
تفصیلات کے مطابق کاؤنٹر ٹررزم ڈپارٹمنٹ (سی ٹی ڈی) نے پشاور کے علاقے تھانہ ڈیرہ ٹاؤن کی حدود بھیگوانی میں دہشت گردوں کیخلاف آپریشن کیا۔
ترجمان سی ٹی ڈی نے بتایا کہ آپریشن کے دوران کالعدم تنظیم کے دو دہشت گرد ہلاک اور تین دہشت گرد فرار ہو گئے۔
- Advertisement -
سی ٹی ڈی کا کہنا تھا کہ ہلاک دہشت گردوں سے دو کلاشنکوف، دو ہینڈگرنیڈ، چھ میگزین برآمد ہوئے۔
ترجمان نے کہا کہ ہلاک دہشت گردوں کی شناخت اخترمنیراورعبدالعزیزکےناموں سے ہوئی، دہشت گرد متعدد سنگین اور دہشت گردی کے مقدمات میں مطلوب تھے۔
