معروف امریکی گلوکارہ سیلینا گومز آج کل سوشل میڈیا کا استعمال کم کر رہی ہیں، اس کے باوجود ان کے مداحوں کی تعداد میں اضافہ ہوتا جارہا ہے۔
امریکی گلوکارہ و اداکارہ سیلینا گومز نے انسٹاگرام کی دنیا کا ایک اہم اعزاز اپنے نام کرلیا۔
حال ہی میں سوشل میڈیا سے دوبارہ کنارہ کشی اختیار کرنے والی سیلینا گومز انسٹاگرام پر 40 کروڑ فالوورز حاصل کرنے والی دنیا کی پہلی خاتون بن گئیں۔
گزشتہ دنوں سیلینا گومز نے امریکی سوشل میڈیا اسٹار، بزنس ویمن اور ماڈل کائیلی جینر کو پیچھے چھوڑتے ہوئے انسٹا گرام پر سب سے زیادہ فالو کی جانے والی خاتون کا اعزاز اپنے نام کیا تھا تاہم اب انہوں نے 400 ملین (40 کروڑ) فالورز کا سنگ میل بھی عبور کرلیا ہے۔
سیلینا گومز کے انسٹاگرام فالورز کی تعداد 40 کروڑ 10 لاکھ ہے جبکہ اس فہرست میں دوسرا نام کائیلی جینر کا ہے جنہیں 38 کروڑ 20 لاکھ افراد انسٹاگرام پر فالو کرتے ہیں۔
گزشتہ ماہ سیلینا گومز نے کہا تھا کہ میں سوشل میڈیا سے اس لیے ایک بار پھر وقفہ لے رہی ہوں کیوں کہ یہ بہت بچگانہ چیز ہے اور میں 30 برس کی ہو گئی ہوں اور اب اس سب کے لیے بہت بڑی ہو چکی ہوں۔
تاہم بعد ازاں انہوں نے انسٹا گرام پر واپسی کرتے ہوئے اپنی کچھ تصاویراپ لوڈ کی تھیں۔
