تحریک انصاف کے رہنما و سابق وفاقی وزیر حماد اظہر نے کہا ہے کہ آئین قانون اور جمہوریت کو روندا جا رہا ہے، قوم کی نظریں عدلیہ پر ہے۔
سماجی رابطے کی ویب سائٹ ٹوئٹر پر جاری پیغام میں پاکستان تحریک انصاف کے رہنما و سابق وفاقی وزیر حماد اظہر نے کہا کہ ملک میں آئین، قانون اور جمہوریت کو روندا جا رہا ہے، اب پوری قوم کی نظریں عدلیہ پر ہیں۔
حسان نیازی کو بھی ایک جعلی کیس میں سزا دی جا رہی ہے تا کے وہ خاموش ہو جائے۔
ملک میں آئین ، قانون اور جمہوریت کو روندا جا رہا ہے اور اب پوری قوم کی نظریں عدلیہ پر ہیں۔ ہمیں امید ہے کہ عدلیہ اپنا کردار ادا کرے گی اور آئین اور عوام کا ساتھ دے گی۔— Hammad Azhar (@Hammad_Azhar) March 23, 2023
انہوں نے کہا کہ حسان نیازی کو بھی جعلی کیس میں سزادی جا رہی ہے تاکہ وہ خاموش ہو جائے، ہمیں امید ہے عدلیہ اپنا کردار ادا کرے گی اور آئین ،عوام کا ساتھ دے گی۔
دوسری جانب پاکستان تحریک انصاف کے رہنما زلفی بخاری نے ٹوئٹر پر جاری پیغام میں لکھا کہ 23 مارچ آئین قرار داد پاکستان کی منظوری کا دن ہے، پاکستان کی بقا اس آئین سے ہے جو عوام کے نمائندوں نے پارلیمان میں منظور کیا۔
sayedzbukhari: 23 مارچ آئین قرارداد پاکستان کی منظوری کا دن ہے ۔ پاکستان کی بقا اس آئین سے ہے جو عوام کے نمائندوں نے پارلیمان میں منظور کیا۔ جس طرح امپورٹڈ حکومت اور ECPنے آئین کو پامال کرتے ہوئے عوامی رائے پر شب خون مارا ہے ان حالات میں یوم پاکستان نا منانا درست فیصلہ ہے ، …
— Zulfi Bukhari Updates NA50 (@zulfi_bukhari) March 23, 2023
پی ٹی آئی رہنما زلفی بخاری نے کہا کہ امپورٹڈ حکومت، الیکشن کمیشن نے آئین پامال کرکے عوامی رائے پر شب خون مارا، ان حالات میں یوم پاکستان نہ منانا درست فیصلہ ہے، آئین تو معطل ہے۔
