لاہور: پاکستان کے خلاف پہلے ٹی 20 میچ میں کیوی فاسٹ بولر میٹ ہینری نے ہیٹ ٹرک کرلی۔
لاہور کے قذافی اسٹیڈیم میں کھیلے جارہے پہلے ٹی 20 میچ میں پاکستان نے 19.5 اوورز میں 182 رنز بنائے اور نیوزی لینڈ کو جیت کے لیے 183 رنز کا ہدف دیا۔
پاکستان کی جانب سے فخر زمان اور صائم ایوب نے ذمہ دار بیٹنگ کا مظاہرہ کرتے ہوئے 47، 47 رنز بنائے۔
Pakistan post 182 following scores of 47 each from @SaimAyub7 and @FakharZamanLive 🏏#PAKvNZ | #CricketMubarak pic.twitter.com/HSK54m6Vdr
— Pakistan Cricket (@TheRealPCB) April 14, 2023
فہیم اشرف 22 اور عماد وسیم 16 رنز بناسکے، شاداب خان 5، افتخار احمد بغیر کوئی رن بنائے پویلین لوٹ گئے جبکہ شاہین شاہ آفریدی ایک رن بناسکے۔
نیوزی لینڈ کے فاسٹ بولر میٹ ہینری نے شاندار ہیٹ ٹرک کی اور شاداب خان، افتخار احمد، شاہین آفریدی کو پویلین کی راہ دکھائی۔
کیوی فاسٹ بولر نے چار اوورز میں 32 رنز دے کر تین وکٹیں حاصل کیں۔
