ملتان:پولیس کے اشارے پر نہ رکنے والے موٹرسائیکل سواروں پر اہلکار نے فائرنگ کردی فاائرنگ کے نتیجے میں 2 نوجوان جاں بحق ہوگیا۔
تفصیلات کے مطابق جاں بحق دونوں نوجوان ایک ہوٹل سے کھانا کھا کر گھر جا رہے تھے، پولیس نے رکنے کا اشارہ کیا دونوں لڑکے نہیں رکے جس پر پولیس نے فائرنگ کردی، فائرنگ کرنے کے بعد اہلکار فرار ہوگئے۔
اہل خانہ نے بتایا کہ جاں بحق عثمان نویں جماعت کا طالب علم تھا جبکہ جاں بحق سمیع اللہ کی عمر 19 سال تھی، ذرائع کا کہنا ہے کہ جاں بحق نوجوانوں کا کوئی مجرمانہ ریکارڈ نہیں تھا۔
پولیس کے مطابق فائرنگ کا واقعہ رات ایک بجے شاہ رکن عالم کالونی میں پیش آیا زخمی نوجوان کو نشتر اسپتال منتقل کیا گیا ہے جہاں وہ دم توڑ گئے جبکہ ایک نوجوان زخمی ہے۔
ملتان پولیس کے مطابق 2 نوجوانوں کی ہلاکت کا مقدمہ ذمے دار پولیس اہلکاروں کے خلاف مقتول عثمان کے والد کی مدعیت میں درج کر لیا گیا ہے۔
