اسلام آباد : اسلام آباد ہائیکورٹ نے ڈیم فنڈز پر سپریم کورٹ کا اختیار ختم کرنے کی درخواست خارج کردی اور کہا بظاہر رجسٹرار سپریم کورٹ کے اکاؤنٹ کھولنے پرکوئی پابندی نہیں۔
تفصیلات کے مطابق اسلام آباد ہائیکورٹ میں ڈیم فنڈز پر سپریم کورٹ کا اختیار ختم کرنے کی درخواست پر سماعت ہوئی۔
چیف جسٹس عامر فاروق نے درخواست پر فیصلہ جاری کیا، فیصلے میں عدالت نے ڈیم فنڈز پر سپریم کورٹ کا اختیار ختم کرنے کی درخواست خارج کردی۔
عدالتی فیصلے میں کہا گیا کہ بظاہر رجسٹرار سپریم کورٹ کے اکاؤنٹ کھولنے پرکوئی پابندی نہیں، اسٹیٹ بینک اکاؤنٹس کا معاملہ ریگولیٹ کرنے کیلئے موجود ہے۔
اسلام آباد ہائی کورٹ کا کہنا تھا کہ اکاونٹ کھولنے میں قانون کی خلاف ورزی ہوتی تو اسٹیٹ بینک معاملہ اٹھا سکتا تھا۔
