کراچی : میٹرک بورڈآفس کراچی نے سالانہ امتحانات 8 مئی سے لینے کا اعلان کرتے ہوئے کہا امتحانی مراکز میں اساتذہ اور طلبہ کے موبائل فونز کے استعمال پر پابندی ہوگی۔
تفصیلات کے مطابق چیئرمین میٹرک بورڈ شرف علی شاہ نے پریس کانفرنس کرتے ہوئے میٹرک کے سالانہ امتحانات 8مئی سے لینے کا اعلان کردیا۔
چیئرمین میٹرک بورڈ نے بتایا کہ سندھ کے تمام ڈویژن میں دو شفٹوں میں امتحان لئے جائیں گے ،میٹرک کاامتحانی شیڈول جاری کردیا گیا ہے۔
شرف علی شاہ کا کہنا تھا کہ سندھ بھر سے 7 لاکھ سےزائدطلبہ و طالبات شرکت کریں گے، کراچی میں 524 متحانی مراکزقائم کیے گئے ہیں اور 3 لاکھ 93 ہزار 264 طلبہ امتحانات میں شرکت کریں گے۔
انھوں نے کہا کہ کاپی کلچر کو روکنے کیلئے امتحانی مراکزکے اندراورباہر سیکیورٹی سخت کی جائے گی ، امتحانی مراکز میں اساتذہ اور طلبہ کےموبائل فونز کے استعمال پر پابندی ہوگی۔
چیئرمین میٹرک بورڈ کا کہنا تھا کہ تمام ڈویژن میں امتحانات کےدوران امتحانی مراکز کےاطراف دفعہ 144نافذہوگی، کراچی کی آبادی بڑھ رہی ہے اس لیےانرولمنٹ میں اضافہ ہوا، 79امیدوار جیل سے امتحانات میں شرکت کریں گے۔
