کراچی: شہر قائد کے علاقے ڈیفنس میں مسلح ڈاکوؤں نے ایک گھر میں ڈکیتی کر کے 56 لاکھ روپے لوٹ لیے۔
تفصیلات کے مطابق کراچی کے علاقے ڈیفنس فیز فائیو خیابان مومن کے قریب ڈکیتی کی واردات میں مسلح ملزمان چھپن لاکھ روپے اور موبائل فون لوٹ کر فرار ہو گئے۔
ڈکیتی کی واردات گزری تھانے کی حدود میں ہوئی، 5 ملزمان دیوار پر لگی خاردار تار کاٹ کر گھر میں داخل ہوئے، اور اہل خانہ کو یرغمال بنا کر لوٹ مار کی۔
- Advertisement -
ملزمان گھر میں تقریباً آدھے گھنٹے تک موجود رہے، گھر میں یا اس کے سامنے کسی جگہ سی سی ٹی وی کیمرے موجود نہیں تھے، کرائم سین یونٹ نے موقع واردات سے شواہد اکٹھے کر لیے۔
