کراچی: شہر قائد کے علاقے اورنگی ٹاؤن، مومن آباد میں ایک گلی سے ڈاکو کی لاش ملی، جس کی شناخت شیری عرف ساحل کے نام سے ہوئی ہے۔
تفصیلات کے مطابق کراچی میں اورنگی ٹاؤن کے علاقے مومن آباد سے ایک گلی میں شیری عرف ساحل نامی شہری کی لاش ملی ہے، پولیس حکام نے اسے ڈاکو قرار دیتے ہوئے کہا ہے کہ شیری کا کرمنل ریکارڈ بھی موجود ہے۔
پولیس حکام نے کہا ہے کہ اس سلسلے میں تحقیقات کی جا رہی ہیں کہ ڈاکو شیری عرف ساحل کو کس نے مارا، شیری کے والد نے بتایا کہ وہ رات 12 بجے دوستوں کے ساتھ کھانا کھانے نکلا تھا لیکن واپس نہ آیا۔
- Advertisement -
فرار ہوتے لٹیروں کی فائرنگ سے دانش نامی نوجوان جاں بحق، عید کے بعد شادی تھی
والد کے بیان کے مطابق شیری ڈکیتی کی وارداتیں کیا کرتا رہا ہے، اسے منع کرتے تھے لیکن وہ باز نہیں آیا، پولیس حکام کے مطابق ہلاک ڈاکو شیری ڈکیتی کے جرم میں گرفتار بھی ہو چکا ہے۔
