حال ہی میں مسلمان ہونے والی معروف بھارت اداکارہ دیپیکا ککڑ نے شوبز کو خیرباد کرنے کی خبروں کی تریدی کردی۔
اداکارہ دیپیکا ککڑ نے ای ٹائمز کو انٹرویو میں کہا کہ میرے متعلق شوبز چھوڑنے کی خبر میں کوئی صداقت نہیں ہے، لوگوں نے میرے گزشتہ انٹرویو میں کہے گئے الفاظ کو غلط سمجھا کہ میں نے اداکاری چھوڑدی۔
انہوں نے کہا کہ ’ اس لیے میں واضح کرنا چاہوں گی کہ ایسا کچھ نہیں ہے، ہوسکتا ہے کہ میں آئندہ 4 سے 5 سال تک کام نہ کروں اور یہ بھی ہوسکتا ہے کہ ان سالوں میں اچھا پروجیکٹ مل جائے تو انکار بھی نہیں کروں گی‘۔
معروف بھارتی اداکارہ کا قبول اسلام کے بعد شوبز چھوڑنے کا اعلان
اداکارہ دیپیکا کا کہنا تھا کہ اب سب میں اہم بات یہ ہے کہ میں ماں بننے والی ہوں، اس لیے فی الحال میری ساری توجہ اپنی فیملی پر مرکوز ہے۔
واضح رہے کہ دیپیکا ککڑ جنہوں نے 2018 میں بھارتی ڈراما سیریل سسرال سمر کا سے شہرت کی نئی بلندیوں کو چھوا تھا گزشتہ سال اسی ڈرامے کے کو اسٹار شعیب ابراہیم سے شادی کے بندھن میں بندھی تھیں تاہم اس سے قبل انہوں نے اسلام قبول کیا تھا اور اپنا نام بھی دپیکا سے بدل کر فائزہ رکھ لیا تھا۔
