مٹھی: تھر میں غذائی قلت کے باعث اموات کا سلسلہ تھم نہ سکا، آج بھی سول اسپتال میں ایک اور نومولود بچہ دم توڑ گیا۔ ہلاکتوں کی تعداد اب تک پینتالیس ہو چکی ہے۔
تھر میں قحط سالی سے تھرتھراتی زندگی بچوں کے لئے موت کا پیغام بن رہی ہے۔ حکمرانوں کی جانب سے غذائی اجناس کی قلت کو ختم کرنے دعوؤں کے باوجود موت کا کھیل جاری ہے ۔
آج بھی سول اسپتال میں طبی امداد نہ ملنے کے باعث ایک اور نومولود نے دم توڑ دیا۔ اسپتال انتظامیہ کا کہنا ہے کہ پچپن بچے اسپتال میں اب بھی زیر علاج ہیں۔ قحط سالی کے باعث سوا ماہ میں ہلاکتوں کی تعداد پینتالیس ہو گئی ہے۔
- Advertisement -
محکمہ صحت اور حکومت سندھ نے تھر میں ایک سو پانچ ڈسپنسریز میں سےصرف بائیس ڈسپینسریز کو فنڈز فراہم کئے ہیں۔
