وزیر دفاع خواجہ آصف نے کہا ہے کہ یہ بھی ہو سکتا ہےجس کا نام ہی نہ ہو وہ نگراں وزیراعظم آجائے۔
ایک بیان میں خواجہ آصف نے کہا کہ ہماری حکومت کاخاصہ رہاہےکہ تمام فیصلےآخری وقت میں ہوتے ہیں نگراں وزیراعظم کےعمل میں راجہ ریاض بھی برابر کےحصہ دار ہیں۔
خواجہ آصف نے کہا کہ میرا خیال ہےجو بھی ہونا ہو گا کل شام تک ہو جائےگا یہ بھی ہو سکتا ہےجس کا نام ہی نہ ہو وہ نگراں وزیراعظم آجائے۔ نگراں وزیراعظم کی مدت لمبی بھی ہوسکتی ہے اس لیےزیادہ لوگ خواہشمند ہیں۔
انہوں نے کہا کہ میرے خیال میں الیکشن 2024 کے شروع میں ہو جانےچاہئیں میرےخیال میں ستمبرتک نوازشریف کو واپس آجانا چاہیے ستمبر تک عدلیہ کیساتھ ہماری محاذآرائی ہے نہیں چاہتے آگے بھی بڑھے۔
دوسری جانب وزیر داخلہ رانا ثنااللہ نے کہا ہے کہ نگراں وزیراعظم کیلئےمشاورت کا عمل مکمل ہو گیا ہے آج نگراں وزیراعظم کانام فائنل ہونا تھا اپوزیشن لیڈر کی مصروفیت کی وجہ سے ملاقات نہیں ہو سکی، کل وزیراعظم اور اپوزیشن لیڈر کی ملاقات میں نام فائنل کر لیا جائےگا۔
