گوجرانوالہ: وزیرآباد میں کیش وین لوٹنے کے دوران 3 افراد کے قتل میں ملوث 2 ملزمان مبینہ مقابلے میں ہلاک ہوگیا۔
تفصیلات کے مطابق گوجرانوالہ کے وزیر آباد کے علاقے پلکھو نالہ کے قریب مبینہ پولیس مقابلے میں کیش وین لوٹنےکے دوران 3 افراد کے قتل میں ملوث 2 ملزمان ہلاک ہوگیا۔
وزیر آباد پولیس کا کہنا ہے کہ پولیس ملزمان کو ریکوری کیلئے لیجارہی تھی ساتھیوں نے چھڑانے کیلئے پولیس پر فائرنگ کی، مبینہ پولیس مقابلے میں ہلاک دونوں ملزمان کا تعلق لاہور سے تھا۔
- Advertisement -
پولیس کا کہنا ہے کہ عدنان اور ذیشان مسیح تہرے قتل کی واردات میں ملوث تھے، ملزمان نے کچھ عرصہ قبل 63 لاکھ کی ڈکیتی کے دوران 3 افراد کو قتل کردیا تھا۔
وزیر آباد پولیس نے مزید بتایا کہ مبینہ پولیس مقابلے میں ہلاک ملزمان کی لاشیں ٹی ایچ کیو اسپتال منتقل کردی گئیں۔
