پاکستان ہر قسم کی دہشتگردی کےخاتمےکیلئے پرعزم ہے، دفترخارجہ

ترجمان دفتر خارجہ نے کہا ہے کہ مشیر خارجہ سرتاج عزیز کے برطانوی نشریاتی ادارے کو دیے گئے انٹرویو کو تاریخی تناظر میں دیکھا جائے۔ آپریشن ضرب عضب تمام گروہوں کے خلاف بلا امتیاز جاری ہے۔

مشیر خارجہ سرتاج عزیز کےبیان کی وضاحت کرتے ہوئے ترجمان دفتر خارجہ تسنیم اسلم کا کہنا تھا، آپریشن ضرب عضب کسی مخصوص گروہ کے خلاف نہیں بلکہ بلا امتیاز تمام دہشت گرد گروہوں کے خلاف کیا جارہا ہے۔

مشیر خارجہ نے جو کہا وہ تاریخی تناظر میں کہا، سرتاج عزیز نے بی بی سی کو انٹرویو دیے گئے ایک انٹرویو میں کہا تھا کہ پاکستان کے اندر ایسے گروہوں کو نشانہ نہیں بنایا جائے گا جو ملک کونقصان نہیں پہنچا رہے ہیں، افغان طالبان اور حقانی نیٹ ورک افغانستان کا مسئلہ ہیں۔

Comments