اسلام آباد: تحریک انصاف کے رہنما اسد عمر نے چیئرمین پی ٹی آئی کیخلاف وعدہ معاف گواہ بننے کے سوال پر جواب دیتے ہوئے کہا کہ ہرگز وعدہ معاف گواہ نہیں بن رہا۔
تفصیلات کے مطابق تحریک انصاف کے رہنما اسد عمر نے خصوصی عدالت میں پیشی کے موقع میڈیا سے گفتگو کرتے ہوئے کہا کہ جو الزامات بھی لگائے گئے وہ کسی کےاوپربھی نہیں لگنے چاہئیں، ایف آئی آر پڑھ کر سنا رہےاور ابھی تک یہ نہیں پتہ کہ الزام کیا ہے۔
صحافی نے اسدعمر سے سوال کیا کہ چیئرمین پی ٹی آئی سے ملنے جا رہے ہیں؟ تو انھوں نے کہا کہ پارٹی والوں کونہیں ملنےدیاجارہاصرف وکلاکو ملنے کی اجازت ہے۔
صحافی کے سوال ابھی بھی آپ پی ٹی آئی کا حصہ ہیں؟ پر رہنما کا کہنا تھا کہ اگر نہ ہوتاتو آج مجھ پر اتنے کیسز نہ بن رہے ہوتے۔
،اسدعمر سے صحافی نے سوال کیا کیا آپ چیئرمین پی ٹی آئی کیخلاف وعدہ معاف گواہ بننےجارہے ہیں؟ جواب میں انھوں نے کہا کہ چیئرمین پی ٹی آئی کیخلاف وعدہ معاف گواہ بننے کا سوال ہی پید انہیں ہوتا۔
خیال رہے خصوصی عدالت نے سائفر کیس میں اسد عمر کی ضمانت منظور کرلی ہے، جج ابوالحسنات ذوالقرنین نے فیصلے میں کہا کہ ایف آئی اے کے مطابق اسد عمر کی گرفتاری مطلوب نہیں کیونکہ پراسیکیوشن کا کہنا ہے اسدعمرکے خلاف تاحال ثبوت نہیں۔۔ اسد عمرنے شامل تفتیش ہونےکا اظہارکیا لیکن پراسیکیوشن نے شامل تفتیش نہیں کیا، اگراسدعمر کی گرفتاری مطلوب ہوئی توایف آئی اے پہلے اسد عمر کو آگاہ کرے گی۔
