پاکستانی شوبز انڈسٹری کی نامور اداکارہ جویریہ عباسی اور ہدایتکار شمعون عباسی کی بیٹی عنزیلہ سے مداح نے طلاق سے متعلق سوال پوچھ لیا۔
عنزیلہ عباسی انسٹاگرام پر مداحوں کے سوالات کے جواب دے رہی تھیں کہ اس دوران ایک فین نے پوچھا کہ آپ طلاق کب لے رہی ہیں؟ اس کے جواب میں نوجوان اداکارہ نے صرف ’موت‘ لکھا۔
سوال جواب سیشن کے دوران ایک مداح نے پوچھا کہ آپ کی عمر کتنی ہے؟ اس پر اداکارہ نے جواب دیا کہ 25 سال کی ہوں اور 26 جنوری 2024 کو 26 سال کی ہو جاؤں گی۔
ان سے پوچھا گیا کہ آپ کتنے بھائی بہن ہیں تو انہوں نے بتایا کہ میں اپنے والدین کی اکلوتی بیٹی ہوں۔
یاد رہے کہ عنزیلہ عباسی نے گزشتہ ماہ اگست میں تاشفین انصاری نامی نوجوان سے شادی کی تھی۔ اداکارہ نے شادی اور ولیمے کی تصاویر انسٹاگرام پر مداحوں کے ساتھ شیئر کی تھی۔
انہوں نے اس پُرمسرت موقع پر سفید رنگ کا شراوہ زیب تن کیا تھا جبکہ تاشفین انصاری نے میچنگ کرتے ہوئے سفید سوٹ بوٹ کا انتخاب کیا تھا۔ ان کی والدہ اداکارہ جویریہ عباسی نے سبز رنگ کا جوڑا پہن کر مکمل روایتی انداز کا انتخاب کیا تھا۔
عنزیلہ عباسی جویریہ عباسی کے سابق شوہر شمعون عباسی کی اکلوتی بیٹی ہیں۔ اداکارہ نے ٹی وی ڈراموں میں قدم رکھنے سے پہلے فیشن ماڈلنگ سے اپنے کیریئر کا آغاز کیا۔
