اسرائیل پر حماس کے بھرپور حملے کے بعد سوئیڈن اور ڈنمارک نے فلسطین کو دی جانے والی ترقیاتی امداد کو معطل کرنے کا فیصلہ کیا ہے۔
یہ بات سوئیڈن کے ترقیاتی وزیر جوہان فورسل نے ایک نیوز کانفرنس میں بتائی، ان کا کہنا تھا کہ سوئیڈن نے فلسطینی علاقوں کو ترقیاتی امداد عارضی طور پر روک دی ہے۔
اس حوالے سے ذرائع کا کہنا ہے کہ یورپی یونین کے وزرائے خارجہ کا اجلاس کل منعقد ہوگا جس میں اس بات کا فیصلہ کیا جائے گا کہ فلسطینیوں کو امداد کی ادائیگی جاری رکھی جائے یا نہیں۔
غیر ملکی خبر رساں ادارے رائٹرز کی رپورٹ کے مطابق ڈنمارک نے بھی آج صبح فلسطینیوں کی امداد روکنے کا اعلان کیا تھا۔
فورسل نے میڈیا کو بتایا کہ 7 اکتوبر کے بعد ہمیں ایک نئی صورتحال کا سامنا ہے، آج ہمارا فیصلہ یہ ہے کہ سوئیڈن اگلے نوٹس تک فلسطین کے لیے ترقیاتی امداد روک دے گا جبکہ پڑوسی ڈنمارک نے بھی اعلان کیا ہے کہ وہ اپنی امداد روک دے گا۔
سوئیڈش حکومت نے کہا ہے کہ اس نے ترقیاتی ایجنسی ’ایس آئی ڈی اے‘ کو فلسطینیوں کو دی جانے والی امداد کا جائزہ لینے کے بعد دسمبر کے آغاز تک رپورٹ فراہم کرے۔
فورسل نے کہا کہ ہم نہیں چاہتے کہ سوئیڈش ٹیکس ادا کرنے والوں کا پیسہ ان اداکاروں کے پاس جائے جو کوئی واضح نظریہ نہیں رکھتے کیونکہ وہ دہشت گردی کو مسترد کرتے ہیں۔
فورسل نے مزید کہا کہ تاہم ہماری جانب سے انسانی امداد جاری رہے گی اور اس فیصلے کے نتیجے میں اسے روکا نہیں جائے گا۔
