لاہور : لاہور ہائی کورٹ نے بغیر ہیلمٹ موٹر سائیکل سواروں کو پیٹرول کی فراہمی کا حکم دے دیا اور درخواست نمٹا دی۔
تفصیلات کے مطابق لاہور ہائی کورٹ نے موٹر سائیکل سواروں کوبغیر ہیلمٹ پیٹرول فراہمی پر پابندی کیخلاف درخواست پر فیصلہ سنادیا۔
جسٹس راحیل کامران شیخ نےشہری میاں عرفان بشیر کی درخواست پر محفوظ فیصلہ جاری کیا، فیصلے میں عدالت نے حکم دیا کہ موٹرسائیکل سواروں کو بغیر ہیلمٹ پیٹرول ملتا رہے گا۔
- Advertisement -
عدالت نے ڈی سی رافیہ حیدرکے جواب کی روشنی میں درخواست منظور کرتے ہوئے نمٹادی اور کہا کہ ڈی سی کے جواب کے مطابق بغیر ہیلمٹ پیٹرول پر پابندی کے متعلق ایڈوائس جاری کی آرڈر نہیں۔
درخواست گزار نے بغیر ہیلمٹ موٹر سائیکل سواروں کو پیٹرول کی فروخت پر پابندی چیلنج کی تھی۔
