بی جے پی کے زیر حکومت اتر پردیش میں مسلمانوں کے خلاف ایک نئی مہم کا آغاز ہوا ہے، ریاست میں کھانے پینے کی اشیا کے لیے حلال سرٹیفیکیٹ پر پابندی عائد کی گئی ہے، یو پی حکومت نے حلال سند یافتہ کھانے پینے کی اشیا کی تیاری، ذخیرہ، تقسیم اور فروخت پر بھی پابندی عائد کر دی ہے۔
ہندوستانی سوشل میڈیا پر اترپردیش کے فیصلے کے خلاف سخت ردعمل دیکھنے میں آیا ہے، ہندوستانی میڈیا کا کہنا ہے کہ اگر پابندی لگانی ہے تو اترپردیش میں بڑی بین الاقوامی کمپنیوں پر بھی لگائیں، جو حلال کی سند کے ساتھ بیف برآمد کرتی ہیں، اترپردیش حکومت کا حلال سند کے خلاف فیصلہ انتہائی قابل مذمت اور مضحکہ خیز ہے۔
دراصل 17 نومبر 2023 کو حلال سند دینے والے اداروں کے خلاف لکھنوٴ کے حضرت گنج پولیس تھانے میں ایک ایف آئی آر درج ہوئی، حلال سرٹیفیکیٹ کے خلاف ایف آئی آر لکھنوٴ کے رہائشی شیلیندر کمار شرما نے درج کروائی، ایف آئی آر کے نتیجے میں یوگی آدتیہ ناتھ نے حلال سرٹیفیکیٹ پر پابندی عائد کر دی۔
#WATCH | Uttar Pradesh | A team of FSDA (Food Safety and Drug Administration) conducted raid at a store in a mall in Lucknow today to look for halal-certified products. No such product was found.
UP Government has banned the production, storing, distribution and sale of… pic.twitter.com/K0cnKUGbub
— ANI UP/Uttarakhand (@ANINewsUP) November 20, 2023
یوپی حکومت نے حلال سند یافتہ کھانے پینے کی اشیا کی تیاری، ذخیرہ، تقسیم اور فروخت پر بھی پابندی عائد کی جب کہ اتر پردیش کی حکومت نے اپنے حکم نامے میں حلال اشیا کی برآمدات کو مستثنیٰ قرار دیا، ایف آئی آر میں علمائے دین کو عوام میں تصادم پھیلانے کا الزام لگا کر نشانہ بنایا گیا۔
جمعیت علماء ہند نے اترپردیش کی حکومت کے لگائے گئے الزامات کی تردید کرتے ہوئے فیصلے کی بھرپور مذمت کی، جمعیت علماء ہند کا کہنا ہے کہ حلال سند حاصل کرنا یا نہ کرنا خریدار اور مینوفیکچررز کے اپنے انتخاب کا معاملہ ہے، حلال سرٹیفیکیٹ صارفین کی بڑی تعداد کو ایسی مصنوعات کے استعمال سے بچاتا ہے جو وہ مختلف وجوہ کے سبب استعمال نہیں کرنا چاہتے، جو لوگ حلال سرٹیفیکیٹ والی مصنوعات استعمال نہیں کرنا چاہتے وہ ان کا استعمال نہ کرنے کے لیے آزاد ہیں۔
The government of the Indian state of Uttar Pradesh (UP) bans the manufacturing, storage, distribution and sale of Halal products. More than 40 million Muslims live in UP, more than the total population of Saudi Arabia.
— Ashok Swain (@ashoswai) November 18, 2023
جمعیت علماء ہند حلال ٹرسٹ کے مطابق انڈیا میں ان دنوں بہت سی چیزوں میں گو موتر کا استعمال ہوتا ہے جو کہ مسلمانوں کے ساتھ بہت سے ملکی اور غیر ملکی صارفین کے لیے بھی ناقابل قبول ہے۔
ہندوستانی سوشل میڈیا پر اترپردیش کے فیصلے کے خلاف سخت ردعمل دیکھنے میں آیا ہے، میڈیا کا کہنا ہے کہ اتر پردیش حکومت کا حلال سند کے خلاف فیصلہ انتہائی قابل مذمت اور مضحکہ خیز ہے، تجزیہ کاروں کے مطابق یوگی آدتیہ ناتھ کا یہ فیصلہ مودی سرکار کی انتہا پسندی اور مسلمان دشمن پالیسی کا منہ بولتا ثبوت ہے، یوگی آدتیہ ناتھ سب سے بڑا دوغلا اور منافق انسان ہے، میڈیا کا یہ بھی کہنا ہے کہ انتخابات سے پہلے مودی سرکار کئی دوسری ریاستوں میں بھی اس قسم کی پابندیاں عائد کرے گی۔
