بھارتی فلم انڈسٹری کی مشہور و معروف اداکارہ پریانکا چوپڑا بھی ڈیپ فیک ویڈیو کی زد میں آگئی ہیں۔
بھارتی میڈیا رپورٹس کے مطابق گزشتہ چند دنوں سے بھارتی اداکاراؤں کو نامناسب جعلی ویڈیوز کا نشانہ بنایا جارہا ہے۔ جعلی ویڈیو کا نشانہ بننے والی اداکاراؤں میں رشمیکا منڈانا، کترینہ کیف، کاجول اور عالیہ بھٹ شامل ہیں، تاہم اب پریانکا چوپڑا بھی اس کا نشانہ بن گئی ہیں۔
پریانکا چوپڑا کی ویڈیو بھی دیگر بھارتی اداکاراوْں کی طرح مصنوعی ذہانت کی مدد سے تیار کی گئی ہے۔ تاہم اس بار سوشل میڈیا پر وائرل ہونے والی جعلی ویڈیو میں ان کے چہرے کی بجائے آواز کو بدل دیا گیا ہے اور کسی جعلی برانڈ کی مارکیٹنگ کی جارہی ہے۔
پریانکا کی بیٹی کے ہمراہ آؤٹنگ کی خوبصورت تصاویر وائرل
صرف یہی نہیں بلکہ مذکورہ جعلی ویڈیو میں اداکارہ کو اپنی سالانہ کمائی ظاہر کرتے ہوئے بھی دیکھا اور سُنا جا سکتا ہے۔
