کراچی: سونے کی قیمت اچانک گر گئی ہے، اور بھاؤ میں یکمشت بڑی کمی آ گئی ہے۔
تفصیلات کے مطابق عالمی منڈی میں سونے کی قیمت کم ہونے کے بعد ملک کی صرافہ مارکیٹوں میں بھی سونے کی قیمتوں میں یکمشت بڑی کمی آئی ہے، اور سونا مزید 1800 روپے سستا ہو گیا ہے۔
آل پاکستان جِمز اینڈ جیولرز ایسوسی ایشن کے مطابق ملک بھر میں 24 قیراط کا سونا 1800 روپے کی کمی کے بعد 2 لاکھ 16 ہزار 800 روپے فی تولہ ہو گیا ہے۔
دس گرام سونے کی قیمت میں بھی 1543 روپے کمی آئی ہے، جس کے بعد دس گرام سونا 1 لاکھ 85 ہزار 871 روپے کا ہو گیا ہے، جب کہ 22 قرط 10 گرام سونی کی قیمت1 لاکھ 70 ہزار 382 روپے کا ہوگیا۔
عالمی گولڈ مارکیٹ میں سونا 15 ڈالرز کمی سے 2040 فی اونس کی سطح پر آ گیا ہے۔ واضح رہے کہ گزشتہ روز ملک میں فی تولہ سونے کی قیمت میں300 روپے کا اضافہ ہوا تھا جس کے بعد فی تولہ سونے کا بھاؤ 2 لاکھ 18 ہزار 600 روپے کا ہوگیا تھا۔
