آئی ایم ایف کی پاکستان میں بے روزگاری اورمہنگائی میں کمی کی پیش گوئی کی ہے تاہم مہنگائی پھر بھی 18.5 فیصد اور بے روزگاری 8 فیصد کی بلند شرح پر رہے گی۔
تفصیلات کے مطابق آئی ایم ایف نے پاکستان کی معاشی اعشاریوں کی تفصیلات جاری کردیں ہیں۔
آئی ایم ایف کی پاکستان میں بے روزگاری اورمہنگائی میں کمی کی پیش گوئی کی ہے، آئی ایم ایف کی گذشتہ سال کے مقابلے معاشی شرح نمو میں 2 فیصد اضافے کی پیش گوئی کی گئی ہے جو رواں مالی سال منفی 0.17 فیصد منفی ہے۔
آئی ایم ایف نے پاکستان کے کرنٹ اکاؤنٹ خسارے میں اضافہ جبکہ بجٹ خسارے میں کمی کی توقع ظاہر کی ہے، آئی ایم ایف نے اخراجات، محصولات اور گرانٹس میں اضافے کا امکان ظاہر کردیا ہے۔
رپورٹ کے مطابق رواں مالی سال پاکستان میں مہنگائی کی اوسط شرح 18.5 فیصد رہنےکا امکان ہے جو گذشتہ مالی سال پاکستان میں اوسط مہنگائی 29.4 فیصد تھی، رواں مالی سال پاکستان میں بے روزگاری کی شرح 8 فیصد رہنے کی توقع ہے ۔ گزشتہ مالی سال پاکستان میں بے روزگاری کی شرح 8.5 فیصد تھی۔
آئی ایم ایف کی رپورٹ کے مطابق رواں مالی سال محصولات اور گرانٹس جی ڈی پی کے 12.5 فیصد رہ سکتی ہیں، گزشتہ مالی سال محصولات اور گرانٹس جی ڈی پی کے 11.5 فیصد تھیں۔
آئی ایم ایف کے مطابق پاکستان کا رواں مالی سال بجٹ خسارہ جی ڈی پی کے 7.6 فیصد رہنے کا امکان ہے، گزشتہ مالی سال بجٹ خسارہ جی ڈی پی کے 7.7 فیصد تھا، رواں مالی سال کرنٹ اکاؤنٹ خسارہ جی ڈی پی کے 1.6 فیصد تک رہ سکتا ہے، گزشتہ مالی سال پاکستان کا کرنٹ اکاؤنٹ خسارہ جی ڈی پی کے0.7 فیصد تھا۔
