اسکوئڈ گیم کے دوسرے سیزن کا دھماکے دار نیا ٹریلر جاری کر دیا گیا ہے۔
تفصیلات کے مطابق دنیا بھر میں مقبولیت کے ریکارڈز توڑنے والی معروف جنوبی کورین سیریز ’اسکوئڈ گیم‘ کے مداح اب ایک بار پھر سسپینس سے بھرپور سیریز دیکھنے کے لیے تیار ہو جائیں۔
اسکوئڈ گیم کے دوسرے سیزن کا ایک اور ٹریلر جاری کر دیا گیا ہے، دوسرے سیزن میں دکھائے جانے والے کھیل نہایت خطرناک اور سسپنس سے بھرپور ہوں گے۔
گیم میں 456 شرکا حصہ لیں گے، اور جیتنے والا شخص 45 لاکھ 60 ہزار ڈالر کی رقم حاصل کر سکے گا، یہ ڈراما اور سسپنس سے بھرپور سیریز رواں برس ریلیز کی جائے گی۔
اسکوئڈ گیم کے سیزن ون میں قرض میں ڈوبے لوگوں کو مجبوری کے عالم میں ایک ایسے کھیل کا حصہ دکھایا گیا تھا جس میں سیکڑوں افراد کو پیسے کا لالچ دے کر مختلف کھیل کھیلائے جاتے ہیں، اور ہارنے والا زندگی کی بازی ہار جاتا ہے۔
