چیئرمین پیپلزپارٹی بلاول بھٹو زرداری کا کہنا ہے کہ سو بسم اللہ اگر پی ٹی آئی حکومت بناسکتی ہے تو بنالے۔
اے آر وائی نیوز کے مطابق چیئرمین پیپلزپارٹی بلاول بھٹو نے پریس کانفرنس کے بعد غیر رسمی گفتگو کرتے ہوئے کہا کہ حکومت بنانے کے لیے 172 ووٹ چاہئیں۔
انہوں نے کہا کہ میں کہتا رہا کہ پیپلزپارٹی کسی بھی سیاسی جماعت سے بات کرسکتی ہے لیکن وہ نہیں آئے، بات کرنے کے لیے تیار نہیں تو کیسے کہہ سکتے ہیں مینڈیٹ ان کا ہے۔
بلاول بھٹو نے کہا کہ 172 کا نمبر چاہیے پی ٹی آئی کے پاس مینڈیٹ نہیں ہے، انہوں نے خود فیصلہ کیا نہ ہم سے، نہ ن لیگ اور کسی اور سے بات کریں گے۔
چیئرمین پی پی نے کہا کہ اگر بات نہیں کریں گے تو 172 کا نمبر کیسے کراس کریں گے مطلب آپ حکومت نہیں بناسکتے، اگر وہ حکومت نہیں بناسکتے تو اس کا مطلب ہمارے پاس مینڈیٹ ہے۔
واضح رہے کہ اب سے کچھ دیر قبل پیپلزپارٹی اور ن لیگ نے وفاق میں مل کر حکومت بنانے کا اعلان کیا ہے۔
دونوں جماعتوں کے قائدین کا کہنا تھا کہ وزیراعظم کے امیدوار شہبازشریف ہوں گے جب کہ صدارتی عہدے کے لیے ن لیگ آصف زرداری کی حمایت کرے گی۔
