کراچی یونیورسٹی کے قریب 3 نامعلوم ملزمان نے رحیم یار خان سے تعلق رکھنے والے فوڈ پانڈا رائیڈر کو گولی مار کر قتل کردیا۔
تفصیلات کے مطابق کراچی یونیورسٹی کے قریب فائرنگ کا واقعہ پیش آیا جس کے نتیجے میں 22 سالہ وقاص فوڈ پانڈا رائیڈر جاں بحق ہوگیا، 3 بائیک سوار ملزمان فائرنگ کرکے فرار ہوگئے۔
پولیس حکام کے مطابق مقتول سہراب گوٹھ کا رہائشی تھا اور اس کا آبائی تعلق رحیم یار خان سے ہے، ابتدائی تحقیقات کے مطابق واقعہ ڈکیتی کے دوران پیش نہیں آیا۔
- Advertisement -
پولیس نے بتایا کہ تین موٹرسائیکل سوار فائرنگ کر کے فرار ہوئے ہیں، قریبی موجود سی سی ٹی اور عینی شاہدین کی مدد سے واقعے کی تفتیش جاری ہے۔
