کراچی: کیماڑی کے مختلف علاقوں میں سی ٹی ڈی اور رینجرز کی جانب سے انفارمیشن بیسڈ آپریشن کیا گیا، سرچ آپریشن کے دوران کالعدم تنظیم کے 2 ملزمان کو گرفتار کرکے اسلحہ برآمد کرلیا گیا۔
ترجمان سی ٹی ڈی سندھ کے مطابق ملزم جمیل اور امیر حاتم کا تعلق کالعدم تحریک طالبان سے ہے، ملزم امیرحاتم کالعدم تنظیم کے دہشتگرد محمد نعیم عرف خاکسار کا بھائی ہے۔
سرچ آپریشن کے دوران تلاش ایپ ڈیوائس کا استعمال کیا گیا، جبکہ آپریشن میں 30مشتبہ افراد کی تلاش ایپ کے ذریعے تصدیق کی گئی۔ ملزمان کیخلاف تھانہ سی ٹی ڈی کراچی میں مقدمات درج کرلئے گئے۔
پولیس ذرائع کے مطابق کورنگی اللہ والا ٹاؤن میں فائرنگ سے 2 افراد زخمی ہوئے، فائرنگ کاواقعہ دوران ڈکیتی مزاحمت پرپیش آیا۔
اوکاڑہ میں شادی کا گھر ماتم کدہ بن گیا
فائرنگ کے واقعے میں زخمی ہونے والوں کی شناخت فدا حسین اور طارق کے ناموں سے ہوئی، جبکہ ایک ملزم کو شہریوں نے پکڑ کر پولیس کے حوالے کردیا۔ گرفتار ملزم کی شناخت شیر علی کے نام سے ہوئی ہے جس کا کرمنل ریکارڈ چیک کیا جا رہا ہے۔
