واشنگٹن : آئی ایم ایف پاکستان کے ساتھ نئے پروگرام پر بات کرنے پر رضامند ہو گیا اور کہا آئندہ مہینوں میں نئے پروگرام پر بات ہوسکتی ہیں۔
تفصیلات کے مطابق آئی ایم ایف کی ڈائریکٹرکمیونیکیشن جولی کوزیک نے واشنگٹن میں نیوز کانفرنس میں کہا کہ پاکستان کو قرض کی آخری قسط رواں ماہ کے آخر میں بورڈ کی منظوری سے مشروط ہے۔
جولی کوزیک نے پاکستان کے ساتھ نئے پروگرام پر بات کرنے پر رضامندی ظاہر کرتے ہوئے کہا کہ پاکستان سےآئندہ مہینوں میں نئےپروگرام پربات کرسکتےہیں، پاکستان کی نئی حکومت نے بھی معاشی اصلاحات جاری رکھنے کا وعدہ کیا ہے۔
ان کا کہنا تھا کہ 19 مارچ کو آئی ایم ایف اور پاکستان کے درمیان اسٹاف لیول معاہدہ ہوا، اس معاہدے کے تحت پاکستان کو کل 3ارب ڈالرکی ادائیگی کی جائے گی۔
آئی ایم ایف کی ڈائریکٹرکمیونیکیشن نے کہا کہ توقع ہے کہ رواں ماہ کے آخر میں آئی ایم ایف بورڈ میٹنگ ہوگی۔ نئی حکومت کی معاشی اصلاحات سے متعلق کوششوں کو سراہتے ہیں۔
جولی کوزیک کا مزید کہنا تھا کہ پہلے جائزے کے بعد پاکستان کی اقتصادی اور مالیاتی صورتحال میں بہتری آئی ہے۔
