لاہور: سابق چیئرمین پی سی بی ذکا اشرف نے کہا ہے کہ شاہین شاہ آفریدی کو کپتانی سے ہٹانے کا فیصلہ عجلت میں کیا گیا ہے۔
میڈیا سے گفتگو کرتے ہوئے پاکستان کرکٹ بورڈ کے سابق چیئرمین ذکا اشرف نے کہا کہ شاہین شاہ آفریدی کو بطور کپتان پورا موقع ملنا چاہیے تھا، انھیں ہٹانے کا فیصلہ عجلت میں کیا گیا ہے۔
دوسری طرف ذکا اشرف نے ورلڈ کلاس بیٹر بابر اعظم کے لیے نیک خواہشات کا اظہار کیا، شاہد آفریدی کے حوالے سے انھوں نے کہا ’’شاہد آفریدی نے مجھے رضوان کو کپتان بنانے کا کوئی مشورہ نہیں دیا۔‘‘ کوچز کے حوالے سے ان کا کہنا تھا کہ خواہ ملکی ہوں یا غیر ملکی ، کوچز صرف ٹیم کی بہتری کے لیے ہونے چاہئیں۔
شاہین آفریدی فٹنس کیمپ چھوڑ کر چلے گئے
ذکا اشرف کو گورنر بنائے جانے کی باتیں بھی ہو رہی ہیں، اس پر تبصرہ کرتے ہوئے انھوں نے کہا کہ گورنر شپ کی باتیں میں نے میڈیا میں سنی ہیں تاہم ابھی تک باضابطہ آگاہ نہیں کیا گیا، گورنر پنجاب کے حوالے سے پارٹی جو فیصلہ کرے گی قبول کریں گے۔
