بالی وڈ سپر اسٹار عامر خان کی نئی فلم ’لاہور1947‘ کی ریلیز کی تاریخ سامنے آگئی۔
بھارتی میڈیا کے مطابق بالی وڈ سپر اسٹار عامر خان کی نئی فلم ’لاہور1947‘ بھارتی یوم جمہوریہ کے موقع پر 26 جنوری 2025 کو ریلیز کی جائے گی۔
بھارتی میڈیا کے مطابق فلم کی شوٹنگ جاری ہے جو جون 2024 سے قبل مکمل کرلیا جائے گا، اس فلم میں عامر خان بھی ایک خصوصی انٹری دیں گے جبکہ مرکزی کردار سنی دیول ادا کریں گے۔
بھارتی میڈیا کے مطابق راجکمار سنتوشی کی ہدایتکاری میں بننے والی فلم میں کرن کے علاوہ ان کے والد سنی دیول، پریتی زنٹا، شبانہ اعظمی، ابھیمانیو سنگھ اور علی فضل شامل ہیں۔
واضح رہے کہ فلم کی کہانی پاکستان اور بھارت کی آزادی کے گرد گھومے گا۔اس سے قبل عامر خان 25 برس قبل ہدایت کارہ دیپا مہتا کی فلم ’ارتھ: 1947‘ میں بھی کام کرچکے ہیں جس کی کہانی پاکستانی مصنفہ بپسی سدھوا کی کتاب ‘آئس کینڈی مین’ سے ماخوذ تھی۔ یہ کہانی 1947 کے فسادات کے تناظر میں لکھی گئی تھی۔
